الطرق الصحيحه لفك (تسييح) المجمدات او المعرفه باسم ال defrosting
اولا : الطريقه الصحيحه ( الفك في الثلاجه)
بيتم نقل الاكل المجمد ( لحمه او فراخ او سمك ..الخ) من الفريز الي رف الثلاجه السفلي قبل تجهيزه بيوم او من بالليل علشان يفك الصبح (من ١٦ ساعه الي ٢٤ علي حسب حجم الاكل المجمد)
يتم عمل فتحات او تشريط للكيس الخارجي للاكل علشان السائل اللي بيخرج منه ميتجمعش جوه الكيس
(السائل ده احسن بيئه لنمو البكتريا والميكروبات الضاره )
ويتم وضع الطعام في طبق او حله
ويستحسن انه يتحط في مصفه في حله بحيث يتم تصفيه السائل الانفصالي في الحله او الطبق
بعدها بترمي السائل ده ويتم عمليه الطهي او التسويه
ثانيا : الطرق الاضطراريه ( صحيحه مع نسبه خطر ) وعددهم ٣ طرق ( في حاله لو مستعجلين)
١- المياه الجاريه :
يتم وضع الغذاء المجمد تحت مياه جاريه ((((((بارده)))))) مش سخنه ولا دافيه
يشترط الطعام المجمد يكون مغلف بالغلاف الاصلي بتاعه والغلاف مش متقطع (يكون سليم )
بيفضل يكون في مياه جاريه مش واقفه ف حوض او حله
يعني نحط الاكل ده ف مصفاه ونشغل عليه المياه
طيب لو الخيار ده مش موجود نحطه ف حله ماشي بس نغير المياه كل نص ساعه
٢- الميكرويف (لفك المجمدات مش للتسويه)
ليه كميه احتياطات كبيره جدا
اولا : مش بستخدمه ف حاله الكميات الكبيره لانها مش هتفك كلها وهتفضل فيها تلج من جوه
كمان هيعمل تسويه او طهي جزئي لاجزاء واجزاء لا وده بيأثر علي سلامه الاكل
ثانيا : بستخدمه في حاله اني مستعجل وفكيت الاكل ده وهسويه حالا
ممنوع اني افك الاكل ف الميكرويف وادخله التلاجه او اسيبه فتره من غير تسويه ( خطر خطر خطر)
طيب بستخدمه ف حالات ايه ؟
بستخدمه في حاله الكميات الصغيره او الحاجات اللي هي slice المجمده ده بيكون افضل اختيار
٣- والاخيره ( الطهي مباشره)
بمعني اني اشيل الاكل من الفريزر احطه ف مياه بتغلي علطول
الطريقه دي زي ما قولنا اضطراريه
علشان اتجنب اي مشاكل فيها بعمل الاتي
* بزود فتره التسويه عن الفتره العاديه بتاعتي يعني لو مثلا ساعه خليها ساعه ونص وهكذا
* اتاكد ان كل الاكل استوي كويس بعد نهايه التسويه ميبقاش اجزاء مستويه واجزاء لسه لان ده خطر كبير جدا
معلومه اخيره هاااااااااااااااااااااامه جدا جدا جدا
ممنوع اني اطلع الحاجه من الفريزر اسيبها علي رف المطبخ او الرخامه لحد لما تفك
ممنوع منعا باتا لان كده بوفر كل الظروف المناسبه لنمو وتكاثر البكتريا الضاره
مقال منقول من مختص
 المجمدات او المعرفه باسم ال defrosting اولا : الطريقه الصحيحه ( الفك في الثلاجه) بيتم نقل الاكل المجمد ( ل...){kind=link}
تعليقات: 0
إرسال تعليق