أم لولد
10 حقايق لو عرفتيهم عن ابنك هتستريحي وتبطلي تقلقي من سلوكياته
1- مفيش ولد نموذجي معروف عن الولاد الحركة والمجازفة
لكن مش شرط ان كل الولاد يكونوا كده .. الولاد مختلفين
كل ولد هينجح في الحاجة اللي بيحبها .. محتاجة تكوني مرنة في تعريفك للنجاح ..
3- انك تطلبي من طفل 5 سنين انه يفضل قاعد طول اليوم ده مستحيل .. الاطفال بتتعلم من الحركة والمحاولة والخطأ المدارس اللي طول اليوم دراسة اكاديمية فقط بتأذيهم مش بتساعدهم .
4- اللعب بالعصي والتظاهر باللعب بالسيوف والبنادق ظاهرة صحية ملهاش علاقة بالعنف الحقيقي ، بالعكس اللعب بالشكل ده بيساعد الاولاد يتخلصوا من بعض مشاعر الخوف
5- الرجالة بتعيط عادي .. بقالنا كتييييير من زمان بنسمع مفيش راجل بيعيط ونتج عنه رجال مش عارفين يصرحوا ويعبروا عن مشاعرهم . خلاص كفاية اللي فات . عايزين نربي جيل ورجالة بتقدر تعبر عن مشاعرهم بشجاعة
6 - الولاد غير البنات .. يعني ابنك مختلف عنك . طبيعتهم والتجارب والخبرت اللي بيمروا بيها مختلفة عننا وعن التجارب والخبرات اللي احنا مرينا بيها ( وانا هنا بتكلم عن اعتبار النوع فقط ) مش الزمن كمان .. اذن علشان نربي أولادنا صح محتاجين نفهم ونستوعب الاختلاف ده ونحاول نتعلم الفروقات دي علشان تسهل علينا اننا نربيهم بصورة أكثر فاعلية .
7- احترمي أهتماماته .. انتي ممكن تكوني شايفة الحاجة اللي هو مهتم بيها دي حاجة هايفة وتضييع وقت ،.
بس الحقيقة مفيش حاجة هايفة . دي حاجة هتوصله لحاجة منها لحاجة تالتة . هو لو كان حد قال لجدودنا زمان اننا هنبقى قاعدين دلوقتي ماسكين smartphone وبنشوف العالم كله كانوا صدقونا ؟؟!!
8- قولي معلومات حقيقية عن الجنس .. طبعا في الوقت الحالي كل حاجة متاحة فكوني انتي المصدر الموثوق .. متتكسفيش تتكلمي بمعلومات حقيقية مع ابنك طبعا مع الحفاظ على اللباقة والحياء في الحوار ومراعاة المرحلة العمرية .. واتكلمي معاه كمان عن العلاقات والحب والاحترام.
9- استكشاف الطفل اعضائه التناسلية بيبدأ من سن 3 سنين ومفيش احساس بالمتعة الجنسية قبل سن 12 سنة فلما تلاقيه بيضحك وهو بيستكشف اعضائه متسوطيش في وشه وتخافي من سلوكه ده .. انتي بتزعقيله لما يمسك أنفه أو ودانه !!!
عرفيه العضو ده اسمه ايه ووظيفته ايه زيه زي أي عضو .. وإلهيه بقى بأي حاجة حواليكي .. تااااني ( متتخضييييييييش )
.
10- الأولاد الاصحاء الواثقين من نفسهم بكرة هيبقوا رجالة أصحاء واثقين من نفسهن ( ده الجيل الجديد اللي بنحلم انه يكون أفضل ) وانا وانتي اللي هنقدر نقدم ده مع ولادنا ول ولادنا
رأيك يهمنا هل هذا كلام مفيد
تعليقات: 0
إرسال تعليق