شوكليت كيك بالكريمه والصوص
المقادير :
٤بيض
فانيليا
معلقه صغيره برش ليمونه او برتقال
معلقه صغيره عصير ليمون
رشه ملح
كوب سكر
ربع كوب زبادي
ربع كوب زيت
كوب وربع دقيق
نص كوب + معلقه كبيره كاكاو خام
معلقه كبيره بيكنج بودر
الطريقه :
نخلط الدقيق مع الكاكاو والبيكنج بودر مع بعض
باقي المكونات كلها نضربهم سوا ضرب جامد حوالي ٥دقايق وبعدين نضيف ليهم خليط الدقيق ونضرب كويس
ننزل بيهم في صينيه مدهونه سمنه ودقيق وتدخل الفرن حوالي ٣٥ دقيقه علي حراره ١٨٠
تطلع من الفرن نسيبها تبرد وبعدين نخرمها ب عصايه شيش طاووك
ندوب معلقه صغيره نسكافيه في كوب لبن ونسقي بيها الكيك
نضرب باكو كريم شانتيه ب فنجان لبن لغايه مايمسك ونغطي بيه الكيك
مقادير الصوص :
ربع كوب سكر
معلقه صغيره نسكافيه
٢ معلقه كبيره كاكاو خام
معلقه صغيره نشا
كوب وربع لبن
ثلث كوب زبده
الطريقه :
كل المواد الجافه مع بعض في كسروله وناخد حوالي ٤ معالق لبن من المقدار بتاعنا ندوبهم فيها وبعدين ننزل بباقي اللبن والزبده ونرفعهم علي النار لما يتقل نطفي عليه
نسيب الصوص يبرد ونغطي بيه الكيك
وبالف هنا
مقال أكثر من رائع متجر شوكولاتة
ردحذف