تعريف ماهو الصيام المتقطع:_
الصيام عباره نوع دايت لانقاص الوزن ويعتبر من افضل انواع الدايت فى الفتره الحاليه لان مع الاستمرار بيه يجعل لك اسلوب لتنظيم حياتك فى المستقبل ليس مجرد فتره وانتهت.
الصيام هو عباره عن تحديد فترات الصيام وفترات للوجبات.
الصيام المتقطع بيكون عن اى حاجه بيها سعرات حرارية يعنى خلل فتره الصيام ممنوع اى اكل نهائى.
الصيام المتقطع من اكثر أهدافه انه يعمل على الدهون المخزنه فى الجسم وهذا افضل بكثير من نزول الوزن على الميزان.
ماهى طرق الصيام المتقطع:_
اولا طريق 16/8
دى عباره عن نقسم اليوم
16 ساعه صيام مسموح بيها مشروبات ساخنه فقط
8 ساعات فطار مسموح طعام ومشروبات
يتم تحديد خلل 8 ساعات اوقات للوجبات على حسب نظامك ومواعيدك الى محدد على حسب حياتك الشخصيه ويكون اخر مواعيد الاكل ٨ مساء.
ويمكن فى النظام ده تحديد وجبيتن خلل اليوم +وجبه سناكس.
ويمكن فى النظام ده تحديد ٣ وجبات خلل اليوم بدون وجبه سناكس.
مثل ليوم ٣ وجبات:_
فطار الساعه ١٢ الظهر.
وجبه غداء ٤ العصر
وجبه عشاء ٨ مساء.
مثل ليوم ٢ وجبه :_
الساعه ١٢ الظهر
وجبه سناكس ( خيار _ تفاح _ خس_ مكسرات .....الخ)
وجبه عشاء ٨ مساء.
اذا كنت مبتدأ فى دايت الصيام او لديك مشكله او هبوط او اى مشاكل تمنع صيام ١٦ ساعه .
يمكن تبدا ١٢ ساعه ثم ١٤ ثم ١٦ ساعه.
****************************
دايت الصيام رقم ٢.
عباره عن انك بتصوم لمده ٢٠ ساعه مسموح خللهم فقط استخدام مشروبات ساخن.
وخلل ٤ ساعات فى اليوم يتم تحديد وجبيتن خلل ٤ ساعات .
مثلا.
اول وجبه الساعه ٤ العصر
والوجبه الثانيه الساعه ٨ مساء.
ممكن خلل ٢٠ ساعه استخدم خضروات ولكن مره وتكون حبه او ٢ بالكتير.
*******************************
دايت الصيام رقم ٣
ده عباره عن صيام عن الاكل تمام لمده ٢٣ ساعه وساعه واحده تحدد فيها وجبه واحد وتكون بيها جميع احتياجاتك من جميع عناصر غذائية.
مثلا وجبه الساعه ٧ مساء تكون الوجبه الاخره تانى يوم نفس المواعد.
ملحوظه. شخصيه
لا يفضل فعل هذا النظام لمده طويله لكن ممكن استخدام مره فى الاسبوع ويكون مفيد مع وجبه مناسبه من احتياجاتك .
******************************
#الحلقه٣
ازى بيتشغل الصيام المتقطع فى الجسم؟
حد سال نفسه الصيام المتقطع بيشتغل ازاى على الجسم ؟ وعشان كده كتله الدهون بتقل ؟
مبدايا الجسم فى حاله بناء واستهلاك مستمر صاحى نايم هو شغال مصنع مش بيقف ومحتاج لموارد بشكل مستمر من دهون صحيه و بروتين وطاقه وكتبت طاقه لان مصادر الطاقه ممكن سكر جلوكوز او دهون طيب إيه علاقتهم بالصيام ؟
لما تمتنع عن الأكل لفتره طويله ، بيبدأ الأنسولين يتأثر، بيبان تأثيره بعد عدة ساعات من آخر وجبة، الجلايكوجين يتحرق و لما مستوي الأنسولين يقل، بتبدأ عملية تكوين الكيتونات ketogenesis
وهى ان الكبد بيبدا يكسر الدهون ويحولها لنوع طاقه بديل اسمه كيتونز وده نوع اقوى وانضف من الطاقه الاساسيه وبعدها
بينشط الالتهام الذاتي autophagy ودي بتاكل الخلايا القديمة و تعيد استخدامها ( عملية اعادة تدوير للخلايا) الجسم بيعملها ودى مفيده جدا بتقى من السرطان
فى المراحل دى اثناء الصيام بتكون مستويات الانسولين منخفضه وده الى بيساعد الجسم على حرق الدهون لان طول ما الانسولين مرتفع مفيش حرق دهون بالعكس الانسولين هيستمر فى تخزين الدهون وده اساس الصيام المتقطع ونجاحه
اثناء الصيام بيكون هرمون النمو مرتفع جدا وده بيساعد بشكل كبير فى حرق الدهون والنمو العضلى
وكمان هرمون التيستوستيرون بيكون مرتفع وبيساعد بشكل كبير على حرق الدهون وده بيكون بسبب انخفاض الانسولين واول ما الانسولين يرتفع تانى الهرمونات دى بتخنفض لاقل مستوايتها
يبقى كده احنا فهمنا ان اساس الصيام المتقطع هو انخفاض الانسولين طيب هو الصيام له فوايد تانيه ؟
ايوه ليه اهمها بيحسن مقاومه الانسولين فى الجسم
وبيعالج داء السكرى من النوع تانى لو ملتزم بنظام منخفض الكاربوهيدرات
والناس الى عندها مقاومه انسولين بيكون نزول الوزن عندهم بطىء جدا
بيزود خلايا الميتكوندريا ودى مصانع الطاقه فى الجسم وبيزود المناعه
طيب الصيام ده له وقت محدد ؟ فى ناس ماشيه بنظام تاكل كل اكلها خلال ٤ ساعات وباقى اليوم صيام طبعا هو صح بس ممكن تصوم بذكاء شويه
احنا اتفقنا ان اساس الصيام ان الانسولين يكون منخفض عشان تستفاد بحرق الدهون يبقى معنى الكلام انك تقدر وانت صايم تاكل وتشرب الانواع الى ملهاش تاثير على الانسولين زى الدهون الصحيه او كميه بروتين بسيطه زى بيضه واحده مثلا او المشروبات الى بدون سكر او تستخدم سكر استيفيا وافضل انواع الصيام هو نظام وجبه واحده فى اليوم تاخد بس النظام ده مينفعش للرياضيين الكلام للناس الى بتعمل دايت عاوزه تقلل نسبه دهون الجسم
يا مسهل
ردحذف