الطريقه الصحيحه ومجربه لعمل كيك الهوهوز فانيليا وشيكولاته مع الخطوات

الهوهوز ❤️

اربع معالق طعام كبار دقيق معجنات
 3 معالق كبار سكر
 نص معلقة صغيرة محسن جيل
4 بيضات
الطريقة
جميع المكونات فى بولة و نخفق اول دقيقة  على الهادي و 3 دقايق على سرعة عالية لحد مالخليط يعلي و يبيض و أصبه الخليط فى صاج 30 فى 40 و على نار عالية لمدة من 7 ل 10 دقايق
تعديل
نزلت الصور بالطريقة بالتفصيل
لما يطلع من الفرن بغطيه عشان مينشفش و احشيه مربي أو نوتيلا و ألفه زي السندويتش
تعديل 1
المعيار بمعالق الطعام الكبيرة تمليها و تعدي اربع معالق
تعديل 2
البيض مش كتير عشان مفيش سوايل غيره فمتخافوش انا استعملت بيض وسط احمر
 تعديل 3
 الناس اللي خايفة من المحسن ده بيتحط بنسب زي اي حاجة زيادة بتضر و هو اللي بيخلي الكيك زي التوينكيز اللي بنشتريه من بره و احسن كمان 💞
تعديل 4
المقدار ده عملته مرتين واحد بالفانيليا و التاني بالكاكاو المقدار الواحد اخد صاج 30 فى 40
تعديل 5
المحسن ده مادة رافعة زي للبيكنج بودر بس بينعم الكيك اكتر و بيخليه المسام بتاع الكيك كلها متساوية زي الكيك اللي بنشتريه من بره مش بتلاقوه ناعم و بيدووووب ده
تعديل 6
المحسن بتجبيه من مكان بيبيع مستلزمات حلويات و كيك