احلى وصفة كنتاكي ، بروستيد صور وفيديو طريقه مضمووونه ونفس طعم الكنتاكي والاهم بدون نقع

كنتاكى فى عشر دقائق اه والله 😋 من غير نقع فراخ خالص  بجد و على ضمانتى بشهادة كل الى جرب وصفتى 🥰🥰🥰🥰⁦
الطريقة . لمشاهدة الوصفة كاملة فيديو⁦👇🏼⁩
https://youtu.be/dV6WJerBqsI
الوصفة كتابية 👇.
اول حاجة هنجيب فراخ تكون وزن ١٢٠٠ بالكتير مش اكتر من كده لأننا هنعمل الكنتاكى نى الكنتاكى يا حلوين مش بيتسلق خالص لأنه لو اتسلق أو حتى نزل فى الميه نصف سلقة برده  طعمه راح خالص ولا حتى نسويها على البخار لازم الفراخ تكون نية ... .
بعد كده هناخد الفرخة و نغسلها بالملح الخشن و الليمون تحت الحنفية كويس اوى و بعد كده هنقطع الفرخة الى
 ١٠ قطع و هناخد كل قطعة نعمل فيها  شروط كده بالسكينة  من تحت الجلد نحافظ على شكل الجلد تشريح الفراخ بالسكينة علشان  نضمن انها تستوى كويس و نرجع نشطفها تانى و نيجى بقى لمكون واحد فقط لا غير و هو كنور المرقة الفوريه البودرة بطعم الدجاج  الطعم الاساسى فيها هى بس مش فى حاجة تانية خالص هنحط على الفرخة حوالى كيس كبار الشركة عملت حجم جديد نجيب الاكياس الكبيرة ديه و  نفتح الكيسين و نحطهم على الفرخة  و نقلب كويس نخلى ببالكوان المرقة الفوريه البودرة حادقة فى مصر فا حطتى منها بحظر لى حد ما  الطعم و النكهة يظبط معاكى خالص بقى تمام كده نروح بقى الدقيق 👍👍👍👍👍
بعد كده هنجيب بوله و هنحط فيها ٣ اكواب من الدقيق الابيض و عليهم ٢ كوب نشا و ربع م ص من بيكينج بودر و كمان هنحط ٣ اكياس  كبار من المرقة الفوريه البودرة بطعم الدجاج  ونقلب كويس الدقيق والنشا و ندوق الدقيق لو تمام النكهة والطعم ضابط يبقى كده اوك حاسة انها عاوزة حطتى كمان منها لى لحد ما الطعم و النكهة تظبط بس خلى بالك أن المرقة الفورية  الى فى مصر حادقة فا حطتى منها بحظر برده على الدقيق  . بعد كده هنجيب بوله فى ٤ اكواب من الميه الساقعة جدا و هنضيف عليهم
٥ م ك من الدقيق والنشا الى احنا حاطين عليهم المرقة الفوريه البودرة و نقلب كويس و بعد كده هناخد  قطع الفراخ و  نحطها فى الدقيق والنشا الاول و بعد كده فى المية الساقعة الى مدوب فيها من خليط الدقيق و النشا و بعدين هنرجعها تانى على الدقيق و النشا و نجيب صافية نصفى قطع الفراخ من الدقيق والنشا الزيادة و بعد كده نجيى للتسوية بقى اهم حاجة .

التسويه فى deep fryer هنحط فيها زيت غزير  هنظبطها على ١٥٠ درجة مئوية فى الdeep fryer اول لما الزيت بيسخن جامد اللمبة بتنور يبقى كده الزيت سخن هنحط الفراخ فى المصفة بتاعيت اللقلية و ننزلها فى الdeep fryer و نعطيها لمده ١٠ دقايق و بعدين كده تطلعيها و الف هنا عليكم يا رب 🥰.

التسويه فى الحلة البريستو الى هى حلة الضغط .
هنحط زيت غزير فى الحلة ديه لازم يكون الزيت مغطى الفراخ  و نحطها على نار متوسطة اول لما الزيت يسخن جامد اوى لازم الزيت يكون سخن  جدا هتنزل بالفراخ و نعطيها لمده ١٠ دقايق و بعدين افتحى عليها متخافيش الزيت مش هينفجر ولا حاجة لان كثافة الميه غير الزيت .

التسويه فى الحلة العاديه .
حلو برده هنخط فيها زيت غزير و هنسخنه على نار متوسطة يكون سخن جدا جدا و بعد كده ننزل بالفراخ لمده ٤ دقايق و بعدين اجعلى النار هادئة و غطيها لمده ٨ دقايق و من وقت لى التانى قليبها و بعدين طلعها و الف هنا عليكم يا رب 🥰