نداء لكل زوجه وزوج
👈الطبطبة مش عيب..
👈الكلمة الحلوة مش بتمرِع..
الاهتمام مش محتاج مجهود و لا فلوس كتير ..
بلاش نقف لبعض علي الواحدة..
احسنوا النوايا..
التفاصيل بتفرق و الاهتمام بيها بيصنع المعجزات..👌
👈اقوي حب بيموت بالاهمال و الشك..
👈العشرة الطيبة ممكن تبقي اقوي في حبها من الرومانسية الغير ناضجة..👫
👈الحب مش بالكلام و بس.. اكبر من كده بكتير..❤
👈نجاح اي علاقة محتاج مجهود من الطرفين..
👈الشكوي من عيوب شريك حياتك الدايم هيزهقه حتي لو معاك الحق.
👈بلاش مقارنات..
👈بلاش دماغ ناشفة و ان شريك حياتك يزهق من النقاش معاك..
👈الست الذكية هي اللي عارفه ازاي تكسب جوزها..😂
👈الرجل الذكي هو اللي فاهم طبيعة الانثي ..💪
👈الغلط بيجيب غلط اكبر منه.. الاحترام اهم حاجة.كبّروا دماغكوا..
👈امدح في مراتك قدام الناس..
👈اللي مبيعجبوش العجب ده اكتر نوع مزعج في الجواز..
👈الرجل و الست بيكملوا دور بعض..مفيش حد فيكم دوره مش مهم..
👈مراتك شايلة كتير اوي.. ساعدها قد ما تقدر..
👈جوزك طالع عينه في الشغل.. قدّري تعبه..
👈النكد بيحول اي بيت لمكان يسد النفس..
👈كلمة تسلمك ايدك مش بتوجع..
👈كلمة ربنا يحفظك لينا مش صعبة..
👈الولاد مسئوليتكم سوا من الالف للياء..
👈اسمعها حتي لو كلامها تافه بالنسبالك.. هو مش تافه علي فكرة..
👈اديله مساحته.. لما بتخنقي الراجل بيبقي قرفان اكتر و مش طايق عيشته..
👈خلي ليكي صحاب .. هتفرق معاكي اوي..
👈احترموا بعض..😚دلعو بعض..مش عيب و لا حرام !!
👈هزروا سوا ..بلاش غلاسة..
👈اللي زعلان ميشيلش جواه.. الفضفضة بتجيب من الاخر..👏
👈بلاش انانية و ان في طرف مستني كل حاجة من التاني..
👈مفيش حد ملاك بس في ناس بتغلط و بتعتذر و بتحسن من نفسها..
👈بلاش دور الضحية.. ممل جدا..
👈التفاهم مهم اوي..اتكلموا كتير ..
👈- متخليش شريك حياتك يقفل منك و يجيب آخر و انت مصمم انك تفضل زي ما انت و خلاص عشان السكة دي اخرتها مش حلوة..
👈- افتكروا لبعض الحلو بلاش سواد👍
👈بلاش ضربة البوز ..قولو اللي مزعلكو علطول..
متناموش متخانقين😉
👈كتر الزعل بيعمل فجوة بين اي اتنين و بالوقت بيبقي ده العادي!
👈اتغيروا عشان بعض في اللي تقدروا عليه و تقبلوا الاختلافات اللي بينكم.
👈قدًمو السبت عشان تلاقو الحد و الاتنين و كل ايام الاسبوع .. احنا مش في حرب
تعليقات: 0
إرسال تعليق