الثلاثاء، 10 مارس، 2015

تورتة شيكولاته رائعه في التزين مغطاه بشيكولاته ومحشوه كريمة شيكولاته خطوه خطوه مع الصور










أولا المكونات السائلة : 8 بيضات بدرجة حرارة الغرفة - فانيليا - معلقة محسن كيك - كوب الا ربع سكر
الطريقة : بنضرب البيض والفانيليا والمحسن وننزل عليهم بالسكر اثناء الضرب لحد اما البيض يعمل فوليوم كبير

















المكونات الجافة : كوب ونصف دقيق - معلقة كبيرة بيكنج باودر - معلقتين كاكاو خام 
الطريقة:بنضيف كيس بيكنج باودر مع الدقيق وننخلهم كدا ونضيف عليهم معلقتين الكاكاو ونقلبهم كويس

















بعد كدا نقلب المكونات مع بعض فى اتجاه واحد وممكن نضيف ربع كوب نسكافيه تدعم الشيكولاته وتظهر طعمها 
فى صينية نحط ورق زبدة بالشكل دا ونصب الخليط ... وندخلها فرن سخن لمدة 35 دقيقة على درجة حرارة 160



























فى حلة فيها مية سخنة بنحط كوب زبدة وكوب شيكولاته خليط من الشيكولاته الغامقة وشيكولاته بالحليب لحد اما يمتزجو 


ببعض بالشكل دا ... و نقطع الكيكة بالشكل دا ونستعد للحشو
















نضرب كريم شانتيه بلبن قليل وننزل عليه بنص كوب سكر بودرة وبعد كدا ننزل عليه بخليط الشيكولاته والزبدة عشان يبقى عندنا احلى كريمة شيكولاته

















نحط اول طبقة من الكيك على حاجة شبك كدا .. ونطريها بأى سيرب وليكن السائل اللى فى الكمبوت بالشكل دا وننزل 
بالكريمة كدا




















ونكرر الخطوات مع كل طبقة ونساويها بقدر المستطاع كدا ونسيبها فى التلاجة اربع ساعات على الاقل .. محدش يلومنى















نيجى بقى للجليز اللي بيغطى الشيكولاته ... ومكوناته كالتالى:
كوب كريمة خفق - نصف كوب ماء ساخن - كوب سكر - نصف كوب كاكاو بودرة - معلقتين جيلاتين فى ربع كوب ميه

















نقلب الكريمة والمية والكاكاو مع بعض ولما يغلى نطفى النار وننزل بالجيلاتين ونقلب ونسيبها تبرد خالص ... بعد كدا نطلع التورتة من التلاجة وننزل عليها بالجليز
















ونزينها بالمالتيزرز من الجوانب ... وبقشارة البطاطس نبشر شوية شيكولاته فى النص بالشكل دا .. ونسيبها فى التلاجة ساعتين ... وبعد كدا نلتهمها smile emoticon















فى الطريقة دى حاولت انى استخدم حاجات سهلة ومتوفرة ... الطريقة ممكن تكون طويلة لكن سهلة جدا .. يا ريت كلنا نركز فى التكات بتاعتها عشان تطلع معانا كويسة .. دعواتكم اصدقائي .. والشكر مقدما لكل اللى هيشارك معانا بلايك وكومنت وشير .. ليليتكم شيكولاته

منقووووووووووووووول للفايده وتسلم ايادي من عمل 

0 التعليقات:

إرسال تعليق

Twitter Delicious Facebook Digg Stumbleupon Favorites More