الأربعاء، 16 أبريل، 2014

بديل للكريمة اللبانى او كريمة الطبخ بالبيت من الحليب


 الكريمه اللباني او كريمة الطبخ تدخل فى كتير من الوصفات اللذيذة اللى كلنا بنحبها الان  هاتكون متوفرة عندك فى التلاجة فى اى وقت تحتاجية من غير ما تقف الطبخة عليها 
المقادير:
=====
كيلو حليب
التحضير :
=====
- هتحطي الحليب في وعاء وتغليه.
- واول ما يغلي تهدي النار وتستمري في التقليب لمدة خمس دقائق.
- بعد كده هتاخديه بالوعاء بتاعه وتحطيه في وعاء اكبر فيه ماء به قطع ثلج.
- وتستمري في التقليب حتى يبرد الحليب ويصل تقريبا الى درجة خمسه مئوية بفعل الثلج.
- فلو احتاج الامر هتغيري الماء المثلج وتحطي ماء مثلج جديد.
- لازم تتأكدي انك بتقلبي كويس وباستمرار عشان لو كون قشرة رقيقة على السطح يبقى باظ.
- بعد ما تخلصى تقليب وده هيكون تقريبا لمدة من خمس الى عشرة دقائق حسب درجة برودة الثلج وتأثيره على الحليب.
- هتغطيه وتسيبيه في المطبخ وبعد فترة هتلاقية كون طبقة عالوش عبارة عن رغوة، هتاخديها بملعقة كبيرة وباقى السائل اللي تحتها هو حليب ويمكن تناوله عادي جدا.
- بعد كده بتقعد عندك في الثلاجة فترة و تقدري تستعمليها وانتي مطمنة لانك عملتيها بايدك.
اما لو مستعجلة الطريقة البديلة هى انك تخلطى كوب زبادى مع كوب لبن وملعقة صغيرة دقيق أو نشا وتضربيهم مع بعض فى الخلاط وبتبقى كويسة للطبخ.
ولو مستعجلة وعايزة كريمة حلويات اخلطى كوب زبادى مع كوب قشطة مع كوب سكر وملعقة صغيرة نشا وتضربيهم مع بعض فى الخلاط وبألف هنا وشفا 

0 التعليقات:

إرسال تعليق

Twitter Delicious Facebook Digg Stumbleupon Favorites More