الأربعاء، 31 يوليو، 2013

استغلال البطاطا والبطاطا الحلوه المزرعه والتالفه بديكور طبيعي اكثر من رائع



اذا زرع عندك بطاطاس لا ترميها بل نمي زرعها في الماء ولا تغطسيها بل فقط نصفها وحتى لا تغطس اعملي لها حاجز من عيدان الخشب او الخله كما بالصور 
ثم ازرعيها في اصيص وطين وواليها 
وان لم تزرع اصلا انت ازرعيها وهتطلع الجذور عادي جدا 
وممكن تعلقيها في البيت وهتكون رائعه وتظل معك الموسم كله 
مجربه واكثر من رائعه حقا وبتقعد معي شهور 

هذة زرعتها من حوالي شهر او اقل وكمان هشتلها في اناء به طين واضعها باناء شكله حلو حتى اضعها بالبيت 
هي مثل نباتات الظل تحتاج ضوء صناعي او شمس غير مباشره 



Photo: ‎الصوره دي يا حلوين كما تروا بطاطا حلوه زرعتها من قبل حوالي شهر كما نزلت الفكره في يوميات سمسم المدونة وهنا واﻻن كبرت وطول فروعها وهشتلها في تراب حتى تكبر اﻻوراق وتعرض وممكن كما هي وديكور رائع والله انك تري شيء اخضر ترقبوا المحصول قريبا ....‎

تحت في البرطمان دققي هتجدي الجذور البيضاء متشعبه وتملاء البرطمان
وانتظروا صوره اخرى بعد كام اسبوع هتكون اكثر خضره ودي بطاطا حلوه وليست بطاطس  وممكن البطاطس مثلها تمااااااااااااما
وبتكون البطاطس ورقها اعرض واكبر واسمك واخشن وفروعها ليست طويله ومتسلقه مثل البطاطا لكن البطاطا فروعها اطول وورقها ارق وانعم واصغر انا جربت الاثنين  

كروشيه مشبك روعه جدا ونأسف للباترون

.












الثلاثاء، 30 يوليو، 2013

الاثنين، 29 يوليو، 2013

طريقة تسيح السمن البلدي او الزبده بالبيت بالخطوات المصوره بطريقه سهله وكذلك فيديو يشرح الطريقه الاصليه لتسيح الزبد وفيديو اخر لطريقة عمل الزبده البلدي من الحليب في البيت


 في كتير بياخدو الزبده وبيكونو مش عارفين يسيحوها 
وطبعا عارفين انها لو مش استوت كويس بتبوظ بسرعه
ولو استوت اوى طعمها بيبقى مش حلو فلازم تعرفى امتى بالظبط تطفى النار عليها 
بصى بقا الزبده النضيفه او النوع الكوبس بتكون طعمها قوى ودسمه
لما تدقويها كده تحسى بطعمها طبيعى مفيش اى حاجه زياده
كمان لما تيجى تسيحيها هتلاقيها ريحتها جامده جداا وقالبه البيت ولونها مايل للاخضر كده بس ده مش شرط حكاية اللون ده بس لو كده يبقى خير وبركه
ومع التسيح هتلاقيها بطلع كمية مورته مش كبيره لان الى فيها مورته كتير بتكون كلها لبن ومش صافيه
وكمان المورته خشنه مش ناعمه زى الرمل الناعم كده لا حبيبات كبيره اكبر شويه
وهتلاقىها مش بتقل كتير لا بطلع كمية مناسبه من السمنه
يلا نستعين بالله ونشوف الصور
الاول هنولع النار على اصغر عين ونوطى لتحت على اخر حاجه
ونحط الحله وفيها الزبده الى هتتسيح



ونقلب بقا لحد ما تسيح خالص والنار موطيها على الاخر وديه اهم حاجه


كده ساحت خالص وانا بقلب بردو
هتبتدى تطلع رغاوى زى الصابون كده كثيف على الوش 
بتفضلى تقلبى بسرعه جدا عشان مش تفور منك

هنا بقا مع التقليب المستمر وطول البال الرغاوى ديه كلها بتنزل فى الحله من تحت 
وهى ديه الى بتكون المورته


زى الى فى المعلقه كده ديه المورته هى كده لسه لونها ابيض اوى مش استوت
وبردو النار لسه زى ما هى وانتى بتقلبى




اول ما حس ان المورته لونها اصفر شويه اركز اوى عشان متزش فى السوا اطفى على طول افضل واقفه بردو وبقلب فيها بعد ما اتطفت عشان السمنه بتبقى درجة حرارتها عليه جدا وممكن تسوى المورته زياده عن اللزوم بفضل اقلب اول ما اشوف لون المورته بقى دهبى وحلو زى ما انا عايزه
اكون مجهزه حله اكبر فيها ميه لحد ربعها وانزل الحله بتاعت السنه فيها عشان تفقد حرارتها بسرعه وتبرد
بس كده بسبها بقا لما تبرد خالص خالص واحطها فى البرطمان بتاعى وادخلها التلاجه على طول





ولما بتيجى طلعيها بتلاقيها مرمله وبيضا زى القشطه وريحتها تجنن وطعمها روعه

وبالف هنا 

الفيديو لطريقة عمل السمن البلدي من البدايه من الحليب  


وهذا فيديو اسهل لعمل الزبده او السمن البلدي بالبيت 

طريقة تسيح السمن البلدي على اصوله وبطريقه مميزه وقديمه 



Twitter Delicious Facebook Digg Stumbleupon Favorites More