≡

طريقة عمل قراطيس محشوة جبن ومقليه بعجينه سهله بالصور والخطوات هشه وكرسبيه وخطيرة من سمسم وتنفع حلو او حادق



بسم الله الرحمن الرحيم


اليوم يا بنات جبتلكم حاجه عملتها لاول مرة وطلعت جنان فى الطعم وما شاء الله عليها عجبت الكل وكنت مسروووورة جدا وانا بالمطبخ ولما طلعت قلت وجدتوها هههه



هغلس عليكم وارغى شويه 
انا كان عندى عزومه فى رمضان وعملت حاجات كتير فيها رغم ان المعزوم كان فرد واحد
المهم وانا انجز اعمالى قلت هعمل ايه مقبلات لا تكفى السلطات  



فقلت لو كان عندى عجين باف بسترى او ميل فاى جاهزة كنت عملتها قراطيس فى الفرن ثم حشتها جبن  



طب اعمل عجينه لسه هتخمر 
طب ما اجرب عجينة جديدة وبدون خميرة ومنكهه كمان 



وهى قريبه من خبز مقلى اعمله بنفس الطريقه ويكون منفوخ وصغير واقدمه مع السلطه وبيكون محرمش ولذيذ ومنكه باى نكه تحبيها  


المهم عملت العجينه وحتى اقربها لكم لانى اعملها بالبركه وهى سهله جدا



حوالى كوب دقيق ابيض ورشة سكر وسنة ملح ووضعت رشة زعتر وممكن ببريكا كمان ااو كمون اى تفضليه او كما هى سادة  



وحوالى ملعقه كبيرة زيت






ثم وضعت ملعقه كبيرة تقريبا خل او ملعقه ونصف لا مشكله بيعطيها طعم وقرمشه مرغوب جداااا مع الحليب


والحليب تقريبا اقل من نصف الكوب حليب او ماء لا مشكله فى الامر وانت لا تضعى الحليب او الماء مرة واحدة بل شوى شوى حتى تمسك العجين وتكون مناسبه عايه لا تلتصق باليد ولا جامدة بل متوسطه



ثم عجنتها جيدا وهتركها حوالى نصف ساعة او اكثر مغطاة حتى ترتاح




وهاهى ارتاحت العجينه وهفردها على دقيق






وبعد الفرد الجيد لا تكون سميكه 

وبهذا القرطاس وهو يباع فى السوبر ماركتات او محلات ابو ريالان ومثيلاتها بالبلاد او محلات الادوات المنزليه وسهل الحصول علية ورخيص جدا


ونبرم بهذا الشكل من تحت لفوق مع عدم وجود فوارق بين العجين اى يلف فوق بعضة هكذا لكن بقليل اى الحرف فقط يلاصق الحرف 


حتى نصل لهذا الشكل ولا تصلى للنهايه افضل حتى تفك فى الزيت ولا تلتحم بالحافه

وهاهى تقلى فى الزيت الحامى الغزير وشوفوا كيف انتفخت وعملت فقاقيع واااو

وممكن بل حدث وهى فى الزيت تخرج من قرطاسها هذا وتخلع وهذا افضل حتى تتحمر من الداخل وعليك حمل القرطاس بالملقاط فور خروجه حتى تعطيها فرصه لتكون كرسبيه من الداخل





وها هو شكلها من الداخل وناضجه لا تخافوا ولا تغالوا فى التحمير هى عجينه رقيقه هشة تنضج بسرعه والنار تكون متوسطه خلى بالكوا  



وها هى مقرمشه وخفيفه ومنتفخه من الخارج وهذا لونها الحقيقى عن قرب وهو اللون المثالى اى الذهبى لكن الكاميرا قد تعطيه درجه اثقل ولكن هو ذهبى







وهاهم وشوفوا حوالى كوب عمل ايه لانى رققتها شوى حتى لا تكون سميكه كمان اقتصايه اى ممكن تعملوا نصف الكوب كتجربه








ثم حشوتها جبنه شيدر وفيتا وعلبة قشطه وكله فى الكبه حتى تكون كريمى لان ما كان عندى جبن كريمى لكن اتصرفت اهوا هههه



وزينتها بالفسدق وممكن تزينيها ببريكا او زعتر



وهذا هو شكلها النهائى بعد الحشو واجعليها واقفه فى اكواب وعند التقديم قدمتها فى كاسات وزيني الحافة ببريكا وزعتر لكن ما صورتها
لانى كنت مستعجله والمغرب كان يادوب وانا اوضب الطاوله


لكن تخيلوا الشكل انتم بقى وها هى والحمد لله انى صورتها لانى ترددت وقلت لما اجربها الاول 




احشوها كستر هتكون رااااااائعه وحلا حلو  لكن لا تضيفي اى توابل بعجينتها 
احشوها كريمه ملونه لاطفالكم او ايس كريم 00
ولو هتعملوها حلا زينوا راسها بعد النضج اى اغمسوها فى شيكولا ثم مكسرات واااو على المنظر
كل دة جربته من قبل لكن مع عجينة الباف باسترى بالفرن  وهذا فى لقاء اخر بعون الله تعالى
يارب تعجبكم اخر اختراعتى مع العجين وجربوها بضمانى وممكن تعملوا نفس العجينه بعد ان ترق شوى بقطاعات وتقلى وهتكون خبز منتفخ وحلو 
وكمان ممكن فكرة الاقماع هذة في معجنات عاديه اى عجينه عاديه تخبز بالفرن مثلا وموجوده هنا بمدونتي بدرس في قسم طريقة عمل الخبز بالبيت الدرس الثاني اكتبوا انتم فقط في بحث مدونتي بأعلى الصفحه على الشمال  الدرس الثاني هيطلع الدرس
منتظرة ارائكم الحلوة المشجعه لى دوما



جديد قسم : مطبخ سمسم

تعليقات: 0

إرسال تعليق